Skilaboðaskjóðan

Miðstig Egilsstaðaskóla setti upp hinn sígilda söngleik Skilaboðaskjóðuna sem árshátíðarsýningu fimmtudaginn 5. febrúar. Var þetta í alla staði afskaplega glæsileg og vel unnin sýning og greinilegt að nemendur höfðu lagt sig mikið fram við alla undirbúningsvinnu. Tónlistarskólinn tók mikinn þátt í sýningunni. Var stór hljómsveit skipuð nemendum og kennurum í „gryfjunni“ og margir af söngnemendum skólans voru í burðarmiklum sönghlutverkum og sýndu af sér stjörnuleik og tilþrifamikinn flutning. Berglind Halldórsdóttir sá um tónlistarstjórn í sýningunni og Margrét Lára Þórarinsdóttir um söngstjórn. Við þökkum Egilsstaðaskóla kærlega fyrir frábært samstarf og óskum miðstigi skólans innilega til hamingju með afar vel heppnaðan viðburð!