Skírnir Garpur í Sögum

Skírnir Garpur Frostason, nemandi við Tónlistarskólann á Egilsstöðum, var einn þriggja ungra lagasmiða sem fékk lag flutt eftir sig í Sögum, verðlaunahátíð barnanna, á RÚV laugardaginn 8. júní. Lagið heitir Hlustaðu á mig og byrjaði Skírnir að vinna það í tengslum við Upptaktinn, tónsköpunarverðlaun barna og ungmenna. Skírnir vann síðan lagið sitt áfram ásamt Ingvari Alfreðssyni og fékk Valdimar Guðmundsson til þess að flytja það á verðlaunahátíðinni Sögum. Hér er hlekkur á lagið, en ef maður horfir á það sem kemur á undan má sjá flott viðtal við Skírni. Við óskum Skírni til hamingju með heiðurinn og þetta glæsilega lag!

https://nyr.ruv.is/frettir/innlent/2024-06-14-valdimar-vill-ad-thu-hlustir-a-sig-415664