Skólasetning Egilsstaðaskóla

Skólaárið hjá Egilsstaðaskóla hófst með glæsilegri skólasetningu þriðjudaginn 23. ágúst. Var skólasetningunni skipt í þrennt eftir aldri nemenda. Nemendur Tónlistarskólans fluttu tónlistaratriði fyrir hvern hóp sem mætti. Á skólasetningunni fyrir 1.-3. bekk og 7.-10. bekk fluttu þær Margrét, Laila og Freyja Kennethsdætur skemmtilega útsetningu á laginu My Favourite Things eftir Rogers and Hammerstein en þær spila á fiðlu, píanó og selló. Á miðstigsskólasetningunni flutti Bjarki Jónsson lagið Yesterday með Bítlunum á saxófón. Þeim til halds og trausts var Berglind Halldórsdóttir, aðstoðarskólastjóri Tónlistarskólans. Var þetta skemmtileg leið til að hefja skólaárið og óskum við Egilsstaðaskóla innilega til hamingju með flotta skólasetningu.