Skólaslit Egilsstaðaskóla

Samstarf Tónlistarskólans á Egilsstöðum og Egilsstaðaskóla er gott og verður bara betra! Skólaslit Egilsstaðaskóla fóru fram mánudaginn 7. júní og tóku nemendur Tónlistarskólans virkan þátt í þeim með tónlistarflutningi. Skólaslitin voru þrískipt og voru tvö tónlistaratriði á athöfninni fyrir 1.-4. bekk og tvö á athöfn 5.-9. bekkjar. Brautskráning 10. bekkjar var svo um kvöldið, og var tónlistarflutningurinn þá í höndum nemenda sem voru að útskrifast. Nemendurnir fluttu Stairway to Heaven í heild sinni fyrir viðstadda og gerðu það með miklum glæsibrag. Allir nemendur Tónlistarskólans í 10. bekk tóku þátt í atriðinu, þannig að þetta var stór og virkilega öflug hljómsveit!