Skólaslit Egilsstaðaskóla

Skólaslit Egilsstaðaskóla fóru fram þriðjudaginn 6. júní með þremur glæsilegum athöfnum yfir daginn. Nemendur Tónlistarskólans fluttu alls fimm ólík tónlistaratriði á þessum viðburðum. Jóhann Karl Guðmundsson söng á skólaslitaathöfn 1.-4. bekkjar og Bára María Þorgeirsdóttir spilaði á píanó á athöfn 5.-9. bekkjar. Margrét Kennethsdóttir, nemandi í tónlistarskólanum í Fellabæ, lék á selló á útskriftarathöfn 10. bekkjar auk þess að Birna Jóna Sverrisdóttir flutti frumsamið lag. Sú hefð hefur skapast að nemendur 10. bekkjar sem eru við nám í Tónlistarskólanum flytji atriði saman á útskriftinni sinni, og að þessu sinni urðu tvö lög eftir Bubba fyrir valinu og voru glæsilega flutt!