Skólaslit Egilsstaðaskóla 2026

Egilsstaðaskóla var slitið þann 9. júní á þremur glæsilegum athöfnum í sal skólans. Tónlistarskólinn tók þátt í öllum þremur athöfnum, þar sem nemendur og kennarar komu fram í hinum ýmsu atriðum. Tónlistaratriðin á athöfnunum tveimur um morguninn voru tileinkuð tveimur starfsmönnum Egilsstaðaskóla sem eru að láta af störfum, þeim Sigþrúði Sigurðardóttur og Dagbjörtu Kristinsdóttur. Á útskriftinni hjá 10. bekk hefur skapast sú hefð að nemendur bekkjarins sem stunda nám í Tónlistarskólanum setji saman hljómsveit og flytji lög á útskriftinni og var engin undantekning á því í ár. Nemendur stóðu sig frábærlega í þessum flutningi og við óskum þeim til hamingju!