Skólaslit Egilsstaðaskóla

Skólaslit Egilsstaðaskóla fóru fram 6. júní. Var um þrjár athafnir að ræða, eina fyrir nemendur í 1.-4. bekk, eina fyrir nemendur í 5.-9. bekk og að lokum útskriftarathöfn nemenda 10. bekkjar um kvöldið. Nemendur tónlistarskólans komu fram á öllum þremur athöfnunum og stóðu sig alveg frábærlega. Sú hefð hefur myndast að nemendur í 10. bekk sem stunda, eða í sumum tilfellum hafa stundað, tónlistarnám við Tónlistarskólann setji saman hljómsveit og flytji saman lag á útskriftarathöfninni sinni. Þetta árið fluttu nemendur lagið Hotel California með Eagles og er óhætt að segja að það hafi verið mikil ánægja með flutninginn meðal gesta!