Skólaslit Egilsstaðaskóla

Skólaslit Egilsstaðaskóla fóru fram föstudaginn 6. júní og Tónlistarskólinn tók virkan þátt í þeim. Var um þrjár athafnir að ræða og komu nemendur Tónlistarskólans fram á þeim öllum. Á skólaslitum nemenda í 1.-9. bekk komu fram sönghópar og stóðu sig með mikilli prýði. Á útskrift 10. bekkjar um kvöldið kom fram hljómsveit skipuð nemendum í 10. bekk og flutti hún tvö lög, Careless Whisper og Your Love, við mikinn fögnuð viðstaddra, en hefð hefur nú skapast fyrir að 10. bekkingar flytji tónlistarartriði á útskriftinni sinni. Við óskum Egilsstaðaskóla til hamingju með gott skólaár og útskriftarnemendum innilega til hamingju með áfangann!