Skólaslit og síðasti kennsludagur

Síðasti kennsludagur Tónlistarskólans á Egilsstöðum er 24. maí. Þetta er breyting á skóladagatali sem samþykkt var af fræðslunefnd Fljótsdalshéraðs, en kennarar unnu af sér þann dag þegar við héldum svæðistónleika Nótunnar þann 18. mars síðastliðinn.

Skólaslit skólans verða síðan mánudaginn 29. maí í Egilsstaðakirkju. Þar mun fara fram afhending vitnisburða og stigs- og áfangaprófsskírteina auk þess að tónlistaratriði verða flutt. Við hvetum foreldra eindregið til þess að styðja við nám nemenda skólans með því að fjölmenna á skólaslitin.

Ósóttir vitnisburðir verða síðan á skrifstofu skólastjóra frá og með þriðjudeginum 30. júní.