Skólaslit skólaársins 2019-20

Tónlistarskólanum á Egilsstöðum var slitið mánudaginn 27. maí í Egilsstaðakirkju. Katrín Edda Jónsdóttir, Bríet Finnsdóttir og Rán Finnsdóttir fluttu tónlistaratriði með glæsibrag. Skólastjóri flutti ávarp og við kvöddum Bríeti Finnsdóttur, en hún hefur verið að kenna við skólann undanfarin ár meðfram námi sínu og heldur í haust til náms við Listaháskóla Íslands. Nemendur fengu afhent prófskírteini og vitnisburði, en margir nemendur hafa náð frábærum árangri í ár. Fimm nemendur luku til að mynda fullgildu miðprófi, en það er mikið afrek! Við þökkum nemendum og aðstandendum þeirra kærlega fyrir frábært skólaár og hlökkum til að sjá ykkur flest á því næsta.