Skólaslit Tónlistarskólans

Árni Friðriksson og Öystein Magnús Gjerde

Tónlistarskólanum á Egilsstöðum var slitið 29. maí síðastliðinn í Egilsstaðakirkju. Tveir útskriftarnemendur skólans, Árni Friðriksson og Sigurlaug Björnsdóttir, fluttu tónlistaratriði auk þess að Lúðrasveit Fljótsdalshéraðs kom fram. Nemendur fengu afhent prófskírteini og vitnisburði, meðal annars Árni Friðriksson sem útskrifaðist með framhaldspróf í söng. Við kvöddum þrjá kennara skólans á skólaslitunum. Sigurlaug Björnsdóttir og Júlía Kristey Jónsdóttir hafa verið stundakennarar í skólanum og eru báðar á leið í kennaranám í haust. Kristín Ragnhildur Sigurðardóttir hefur leyst Margréti Láru Þórarinsdóttur af í barnsburðarleyfi í vetur, en er nú farin til Reykjavíkur. Þökkum við þessum þremur kennurum vel unnin störf í þágu skólans og kærar þakkir til allra nemenda, kennara og foreldra fyrir frábært skólaár!