Skólaslit Tónlistarskólans

Skólaslit Tónlistarskólans voru haldin í Egilsstaðakirkju fimmtudaginn 28 maí kl. 18:00. Á athöfninni voru glæsileg tónlistaratriði flutt af lengra komnum nemendum skólans, skólastjóri flutti ávarp og prófskírteini voru afhent auk vitnisburða. Alls luku 29 nemendur hljóðfæra- og söngprófum við skólann þetta skólaárið og sumir þeirra fleira en einu prófi. Á skólaslitunum voru tveir kennarar skólans kvaddir, Jonathan Law og Logi Kjartansson, en þeir halda nú til annarra starfa og eru þeim þökkuð vel unnin störf. Charles Ross kemur hins vegar aftur til okkar eftir ársleyfi og eru það mikil gleðitíðindi. Við þökkum nemendum og forráðamönnum fyrir frábært samstarf í ár!