Skólaslit Tónlistarskólans

Skólaslit Tónlistarskólans á Egilsstöðum fóru fram miðvikudaginn 1. júní kl. 17:30 í Egilsstaðakirkju. Var þetta hátíðleg og góð kveðjustund þar sem lengra komnir nemendur skólans fluttu tónlistaratriði, skólastjóri flutti ávarp og nemendur fengu prófskírteini og vitnisburði í hendur. Þetta var líka tækifæri fyrir okkur til að kveðja fráfarandi kennara, en Charles Ross, Alice Elms og Øystein Magnús Gjerde láta af störfum hjá skólanum eftir þetta skólaár. Það er alltaf sérstaklega ánægjulegt að afhenda vitnisburði fyrir stigs- og áfangapróf til nemenda, en á þessu ári luku 30 nemendur 34 slíkum prófum við skólann. Við þökkum kærlega fyrir gjöfult og gott skólaár!