Skólaslit Tónlistarskólans

Próftakar! Á myndina vantar nokkra nemendur.

Skólaslit Tónlistarskólans á Egilsstöðum fóru fram í Egilsstaðakirkju fimmtudaginn 1. júní. Var þetta ljúf og góð kveðjustund. Nemendur fengu vitnisburði og forskólanemendur fengu viðurkenningarskjöl og þeir sem luku stigs- og áfangaprófum þetta árið að fullu fengu skírteini sín afhent hjá skólastjóra. Guðsteinn Fannar Jóhannsson, nýbakaður framhaldsnemi í einsöng, söng tvö lög fyrir gesti auk þess að Maria Anna Szczelina, framhaldsnemi, lék á píanó. Á skólaslitunum þökkuðum við Öndu, Edgars, Guido og Vigdísi vel unnin störf, en þau eru öll að flytja úr sveitarfélaginu eftir þetta skólaár. Við þökkum nemendum og foreldrum fyrir frábært skólaár og hlökkum mikið til þess næsta!