Skólaslit Tónlistarskólans

Skólaslit Tónlistarskólans fóru fram þriðjudagskvöldið 4. júní í Egilsstaðakirkju. Maria Anna Szczelina lék á píanó og nemendur fengu afhent prófskírteini og vitnisburði. Skólastjóri flutti ávarp og er ánægjulegt að geta greint frá því að í þetta skiptið voru ekki tilkynntar neinar mannabreytingar við skólann, þar sem allir kennarar skólans ætla að halda áfram störfum. Auk þess erum við búin að endurheimta Wes Stephens, slagverkskennara, úr fæðingarorlofi. Við hjá Tónlistarskólanum þökkum foreldrum, nemendum og öðrum velunnurum kærlega fyrir frábært samstarf á skólaárinu. Við óskum nemendum sem luku stigs- eða áfangaprófi á árinu innilega til hamingju og öllum nemendum með flott skólaár!