Söng- og píanótónfundur

Hlín Pétursdóttir Behrens, söngkennari, og Zigmas Genutis, píanókennari, héldu tónfund miðvikudagskvöldið 12. maí í Egilsstaðakirkju. Á tónfundinum komu fram söng- og píanónemendur sem voru á leið ýmist í 4. stigs próf eða miðpróf og fékk hver nemandi að flytja nokkur verk af próf-efnisskrá sinni, en það er mjög góður undirbúningur fyrir hljóðfæra- og söngpróf að flytja prófefnið fyrir samnemendur. Á efnisskránni voru fjölbreytt verk í ólíkum stílum og frá ýmsum tímabilum tónlistarsögunnar og nemendur stóðu sig með stakri prýði. Ljóst er að það er mikil gróska í skólanum og þó nokkuð um nemendur sem miðar vel áfram í námi sínu.