Söngkeppni framhaldsskólanna

Söngkeppni framhaldsskólanna var haldin á Húsavík sunnudagskvöldið 3. apríl og var mikið um dýrðir þetta kvöld, enda mörg afar hæfileikarík ungmenni þar á ferð. Dögun Óðinsdóttir, söngnemandi Margrétar Láru Þórarinsdóttur, keppti fyrir hönd Menntaskólans á Egilsstöðum. Hún flutti lagið Freedom með Jet Black Joe með miklum glæsibrag og erum við afar stolt af hennar frammistöðu á sviði þetta kvöld. Það er mikið afrek fyrir þetta unga listafólk að koma fram fyrir alþjóð með þessum hætti og gaman að geta þess að Dögun er bara á fyrsta ári í menntaskóla, svo það er alveg ljóst að hún á framtíðina fyrir sér!