Söngkeppni framhaldsskólanna 2018

Söngkeppni framhaldsskólanna fór fram í beinni útsendingu á RÚV laugardagskvöldið 28. apríl, en keppnin var haldin í íþróttahúsinu á Akranesi. Alls tóku 24 skólar þátt, en fyrir hönd Menntaskólans á Egilsstöðum kepptu þrír nemendur Tónlistarskólans á Egilsstöðum, þær Karen Ósk, Ragnhildur Elín og Soffía Mjöll. Voru stúlkunar Tónlistarskólanum sem og Menntaskólanum til sóma í flutningi sínum á laginu Bennie and the Jets með Elton John. Þær voru fyrstar á svið, sungu af innlifun og var þeim vel tekið. Við í Tónlistarskólanum erum afar stolt af þessum glæsilegu fulltrúum og mjög ánægð með að þær skuli hafa fengið þetta frábæra tækifæri!