Söngkeppni SamAust

Söngkeppni félagsmiðstöðva á Austurlandi, SamAust, fór fram laugardaginn 4. mars á Djúpavogi. Þangað komu flottir nemendur víðsvegar að af Austurlandi, meðal annars af Héraði. Ína Berglind Guðmundsdóttir keppti fyrir hönd félagsmiðstöðvarinnar Nýungar og bar sigur úr býtum, en hún er nemandi bæði við Tónlistarskólann á Egilsstöðum og Tónlistarskólann í Fellabæ. Hún verður því fulltrúi Austurlands í söngkeppni SamFés í Reykjavík í maí. Ína Berglind flutti frumsamið lag, Tilgangslausar setningar, en hún er þegar á unga aldri orðinn afkastamikill lagahöfundur. Við óskum Ínu Berglindi og félagsmiðstöðinni Nýung innilega til hamingju með þennan sigur og öllum félagsmiðstöðvum á Austurlandi með flotta keppni!