Söngkeppni Samfés

Fjórir nemendur úr Tónlistarskólanum á Egilsstöðum komu fram fyrir hönd félagsmiðstöðvarinnar Nýungar í söngkeppni Samfés föstudagskvöldið 11. mars, en hún var haldin í Egilsstaðaskóla. Hjördís María, Hrafn og Sesselja Ósk sungu en Joanna lék á hljómborð. Í keppninni voru mörg glæsileg atriði og var frábært að sjá nemendur víða af Austurlandi spreyta sig á sviðinu. Nemendur skólans stóðu sig gríðarlega vel og voru okkur til mikils sóma. Það er alltaf afskaplega gaman fyrir okkur í tónlistarskólanum að sjá þegar nemendur taka það sem þeir hafa lært og nota það til að taka þátt í viðburðum utan skólans.