Söngleikjatónleikar

Mánudaginn 31. maí hélt Tónlistarskólinn söngleikjatónleika í Egilsstaðakirkju. Tónleikarnir voru upprunalega ráðgerðir 21. apríl, en frestuðust vegna COVID-19, og erum við afskaplega þakklát fyrir að þeir gátu átt sér stað. Margrét Lára Þórarinsdóttir, söngkennari, hafði veg og vanda að tónleikunum og voru þeir sérstaklega skemmtilegir. Nemendur stóðu sig frábærlega í að flytja fjölbreytt úrval laga úr söngleikjum og kvikmyndum og nutu sín greinilega vel á sviði. Lög úr Mamma Mia eftir ABBA voru áberandi á efnisskránni, auk laga úr Disney kvikmyndum og jafn ólíkum söngleikjum og Línu langsokk og Les miserables. Þessir tónleikar sýndu hvað sönglífið er öflugt í skólanum!