Söngleikjatónleikar Þorgerðar Siggu

Þorgerður Sigga Þráinsdóttir, söngnemandi Margrétar Láru Þórarinsdóttur, hélt söngleikjatónleika í Sláturhúsinu þann 5. apríl fyrir fullum sal áheyrenda. Tónleikarnir voru lokaverkefni hennar við Menntaskólann á Egilsstöðum, þaðan sem hún er að fara að útskrifast í vor. Henni til halds og trausts á tónleikunum var samnemandinn Emma Rós Ingvarsdóttir. Á tónleikunum kenndi ýmissa grasa og mátti heyra fjölbreytt lög úr hinum ýmsu söngleikjum. Þorgerður Sigga hóf nám við Tónlistarskólann árið 2012 og söngnám árið 2015 og hefur verið virk í tónlistarlífinu í M.E. síðan hún hóf þar nám. Við óskum Þorgerði Siggu innilega til hamingju með áfangann og með glæsilega tónleika!