Söngmasterclass Margrétar Árnadóttur

Laugardaginn 14. febrúar kom Margrét Árnadóttir, söngkennari frá Tónlistarskólanum á Akureyri til okkar og hélt söngmasterclass í Egilsstaðakirkju. Þetta var frábær heimsókn í alla staði. Nemendurnir stóðu sig einstaklega vel og fengu mikið út úr námskeiðinu og nokkrir þeirra fengu einnig einkatíma hjá Margréti. Heimsóknin var liður í nýju samstarfsverkefni hjá Tónlistarskólanum á Akureyri og tónlistarskólunum á Egilsstöðum og í Fellabæ, en það er Hlín Pétursdóttir Behrens söngkennari sem leiðir verkefnið fyrir okkar hönd. Til stendur að halda áfram með samstarfið, enda gagnlegt fyrir nemendur og kennara beggja skóla. Við þökkum Margréti kærlega fyrir komuna og hlökkum til áframhaldandi samstarfs!