Söngstund á BRAS

Hljómsveitin

Það var líf og fjör á söngstund í Egilsstaðakirkju sem haldin var í tengslum við BRAS-barnamenningarhátíð þann 9. október. Komu þá saman um hundrað fimm til sex ára börn úr leik- og gunnskólum á Fljótsdalshéraði og sungu tvö lög eftir Olgu Guðrúnu Árnadóttur, Myndin hennar Lísu og Babbidí bú, í útsetningu Sigursveins Magnússonar. Börnunum til halds og trausts var tíu manna hljómsveit sem skipuð var nemendum og kennurum Tónlistarskólans á Egilsstöðum. Drífa Sigurðardóttir, skólastjóri Tónlistarskólans í Fellabæ, stjórnaði svo söngnum af mikilli röggsemi. Þess má geta að þetta verkefni á sér fyrirmynd í leikskólatónleikum Tónskóla Sigursveins á Barnamenningarhátíð í Reykjavík.