Söngur á þingi Landssambands íslenzkra verzlunarmanna

Guðsteinn Fannar Jóhannsson, söngnemandi við Tónlistarskólann á Egilsstöðum, söng á þingi Landssambands íslenzkra verzlunarmanna fimmtudaginn 24. mars. Honum til halds og trausts á þinginu var Rusa Petriashvili, píanóleikari. Við viljum vekja athygli á því að fyrirtæki, stofnanir og félög geta fengið til sín nemendur út skólanum til að koma fram við ýmis tilefni, svo fremi að þau séu vel við hæfi og góð reynsla fyrir nemendur okkar. Þá er um að gera að hafa samband með nógu miklum fyrirvara til að hægt sé að skipuleggja flott atriði. Við óskum Landssambandi íslenzkra verzlunarmanna til hamingju með þingið og þökkum fyrir tækifærið!