Söngvavor

Nemendum og kennurum Tónlistarskólans hlotnaðist sá heiður að fá að spila undir hjá fríðum flokki leikskólabarna á Söngvavorstónleikum í Sláturhúsinu mánudaginn 20. apríl. Þetta er verkefni sem á uppruna sinn í Tónskóla Sigursveins og er nú verið að setja það upp annarsstaðar á landinu einnig. Tónlistarskólarnir á Egilsstöðum og í Fellabæ lögðu fram tólf manna hljómsveit sem skipuð var kennurum og nemendum úr báðum skólum, ásamt Charles Ross. Börnin sungu lög eftir Dr. Gunna og Karitas Harpa Davíðsdóttir frá Menningarstofu Fjarðabyggðar sá um söngstjórn. Við þökkum Menningarstofu, Sláturhúsinu, leikskólunum á Egilsstöðum og í Fellabæ og Tónlistarskólanum í Fellabæ fyrir samstarfið!