Söngveisla Liljanna og Tónlistarskólans

Þann 30. maí síðastliðinn var blásið til mikillar söngveislu í Egilsstaðakirkju, en þá kom Stúlknakórinn Liljurnar fram ásamt hljómsveit, auk þess að fjórir sönghópar Tónlistarskólans á Egilsstöðum fengu að láta ljós sitt skína. Margrét Lára Þórarinsdóttir stjórnaði tónleikunum frá upphafi til enda. Ýmsir meðlimir kórsins komu fram sem einsöngvarar á tónleikunum og stóðu sig mjög vel í því. Hljómsveitin var skipuð kennurum og nemendum Tónlistarskólans og var meðleikari Liljanna Tryggvi Hermannsson. Efnisskráin var fjölbreytt og skemmtileg og áhorfendur afskaplega ánægðir með tónleikana. Liljurnar skörtuðu stórglæsilegum nýjum kjólum saumuðum af Bríeti Finnsdóttur, sem stundaði nám við Hússtjórnarskólann á Hallormsstað þetta skóaárið.