Stabat Mater I

Sunnudaginn 20. mars hélt Austuróp tónleika í Egilsstaðakirkju sem báru nafnið Stabat Mater I, en það eru fyrstu tónleikarnir í Sönghátíð á föstu sem fer fram um þessar mundir. Á tónleikunum voru flutt verkin Fólk fær andlit eftir Hildi Guðnadóttur og Stabat Mater eftir Giovanni Pergolesi. Kennarar og nemendur Tónlistarskólans voru áberandi á tónleikunum en Hlín Pétursdóttir Behrens, söngkennari við skólann, hafði veg og vanda að skipulagningu verkefnisins og stjórnaði kórnum ásamt því að syngja sjálf. Tónlistarskólinn er stoltur samstarfs- og stuðningsaðili Austuróp og við óskum þeim til hamingju og hlökkum til næstu tónleika, en þeir eru ráðgerðir 3. apríl.