Stabat Mater II

Stabat Mater II tónleikar Austuróps fóru fram í Egilsstaðakirkju sunnudaginn 3. apríl. Voru þetta aðrir tónleikarnir í tónleikaröðinni Sönghátíð á föstu. Fyrrverandi og núverandi nemendur Tónlistarskólans og kennarar hans voru áberandi á tónleikunum og hafði Hlín Pétursdóttir Behrens, söngkennari, veg og vanda að skipulagningu tónleikanna. Þess ber að geta alveg sérstaklega að hópurinn frumflutti tvö verk eftir kennara skólans á tónleikunum, en það var annars vegar „He cried out“ eftir Wes Stephens og hins vegar „At her prayers within“ eftir Charles Ross. Tónlistarkskólinn er afar stoltur af samstarfi sínu við Austuróp og óskum þeim innilega til hamingju með yndislega tónleika!