Stærsti kór Fljótsdalshéraðs!

Hljómsveit og kórstjóri

Það var mikið fjör í Sláturhúsinu miðvikudaginn 19. september, en þá kom saman stærsti kór Fljótsdalshéraðs og söng tvö lög eftir Ólaf Hauk Símonarson, „Ég heyri svo vel“ og „Ef þú ert súr“. Verkefnið var liður í barnamenningarhátíðinni BRAS og voru söngvararnir nemendur í fyrsta bekk og elstu árgöngum leikskóla. Nemendur í kórnum komu úr öllum leik- og grunnskólum Fljótsdalshéraðs og var hljómsveitin sem spilaði undir með þeim skipuð kennurum og nemendum Tónlistarskólans á Egilsstöðum. Drífa Sigurðardóttir, skólastjóri Tónlistarskólans í Fellabæ, stjórnaði kórnum af röggsemi. Við þökkum Menningarmiðstöð Fljótsdalshéraðs og öllum leik- og grunnskólunum á Fljótsdalshéraði fyrir þetta frábæra samstarf.