Starfið hjá Liljunum á haustönn

Það hefur verið annasamt hjá stúlknakórnum Liljunum í haust og hafa þær sungið við ýmis tækifæri á haustönn. Fyrst sungu þær fyrir forseta og forsetafrú þegar þau heimsóttu Egilsstaðaskóla í september. Þann 4. nóvember sungu þær í bleikri messu í Egilsstaðakirkju og þann 9. desember á aðventukvöldi þar. Þær létu svo aftur að sér kveða á tónleikum Tónlistarfélags Menntaskólans á Egilsstöðum þann 10. desember. Stúlknakórinn er ætlaður fyrir stúlkur frá 8. bekk og til um tvítugs og er þátttaka í kórnum meðlimum að kostnaðarlausu. Það er því um að gera fyrir söngelskar stúlkur að hafa samband og ganga í kórinn!