Starfsdagur í Tónlistarskólanum

Starfsfólk Tónlistarskólans átti mjög fróðlegan og góðan starfsdag mánudaginn 17. febrúar og var dagurinn liður í starfsþróunaráætlun skólans. Um morguninn var fræðslu- og umræðufundur um það hvernig á að skapa gott lærdómsumhverfi í hóptímum, en afar mikilvægt er að búa nemendum þannig kennslustundir að þeim finnist þeir vera öruggir og að þeir geti lært. Var þetta mjög gagnlegur og góður fundur. Eftir hádegi sóttu starfsmenn fjögurra tíma skyndihjálparnámskeið Rauða krossins, þar sem farið var yfir endurlífgun og almenna skyndihjálp. Starfsmenn sækja skyndihjálparnámskeið á tveggja ára fresti, enda mikilvægt að vita hvað á að gera þegar hið óvænta kemur upp á.