Stóra upplestrarkeppnin

Héraðshátíð Stóru upplestrarkeppninnar var haldin með pompi og prakt í Egilsstaðakirkju mánudaginn 16. mars kl. 14:00. Þar lásu nemendur frá skólum í Múlaþingi og Vopnafirði upp texta og ljóð. Tónlistarskólinn var með tónlistaratriði, þar sem fjórir ungir söngvarar fluttu lagið Lestu milli línanna með Ladda og Góa, en þetta lag passaði alveg sérstaklega vel á viðburði sem tileinkaður er lestri. Strákarnir stóðu sig afskaplega vel í söngnum og voru Tónlistarskólanum til mjög mikils sóma. Við óskum öllum þátttakendum í Stóru upplestrarkeppninni innilega til hamingju með flottan lestur og þökkum fyrir tækifærið sem okkar nemendur fengu þar til að koma fram.