Stórglæsilegir svæðistónleikar Nótunnar

Verðlaunahafar á svæðistónleikum

Það var sannkölluð tónlistarveisla í Tónlistarsmiðstöðinni á Eskifirði laugardaginn 23. mars, en þá fóru fram svæðistónleikar Nótunnar fyrir Norður- og Austurland. Þetta voru tvennir tónleikar, kl. 14:00 og 16:00, og lokaathöfn kl. 18:00 þar sem viðurkenningarskjöl og verðlaunagripir voru afhentir. Ellefu skólar tóku þátt í tónleikunum og voru flytjendur tæplega sjötíu í 26 stórglæsilegum atriðum. Tónlistarskólinn á Egilsstöðum sendi fimm atriði á tónleikana og stóðu allir nemendur sig með glæsibrag. Þrjú þeirra atriða voru meðal þeirra sjö sem dómnefnd valdi til flutnings á lokahátíð Nótunnar í Hofi á Akureyri þann 6. apríl næstkomandi og leggjum við því land undir fót!

Atriði Tónlistarskólans á Egilsstöðum á lokahátíð Nótunnar 2019

Maria Anna Szczelina, píanó

Frédéric Chopin - Pólónesa í B-dúr op. posth.        

Dagný Erla Gunnarsdóttir, píanó

Katrín Edda Jónsdóttir, píanó

Aram Khachaturian - Vals úr Masquerade   

Kristófer Gauti Þórhallsson, fiðla

Rán Finnsdóttir, fiðla

Bríet Finnsdóttir, víóla

Antonio Vivaldi - Konsert í E-dúr "Vorið", 1. Allegro