Stóri tónlistardagurinn í Sláturhúsinu

Trommubúðir með Jóni Geir

Laugardaginn 29. september var Stóri tónlistardagurinn haldinn í Sláturhúsinu í tengslum við barnamenningarhátíðina BRAS. Boðið var upp á ýmis námskeið fyrir áhugasama og að sjálfsögðu mættu þangað nemendur út Tónlistarskólanum á Egilsstöðum. Meðal þess sem boðið var upp á voru trommubúðir með Jóni Geir Jóhannssyni, trommuleikara Skálmaldar, og mættu trommuleikarar úr skólanum meðal annars á það og höfðu gagn og gaman af. Að auki var Jón Hilmar Kárasaon með hljómsveitarnámskeið, KiraKira og Futuregrapher með raftónlistarsmiðju og Iðunn Snædís með námskeið í að nota upptökuforrit. Við viljum þakka Menningarmiðstöð Fljótsdalshéraðs (Sláturhúsinu) og skipuleggjendum BRAS fyrir að standa að þessu frábæra framtaki.