Strengjamót á Akureyri

Rauða sveitin á tónleikum

Sjö strengjanemendur frá Tónlistarskólanum á Egilsstöðum sóttu strengjamótið á Akureyri 2.-4. nóvember í samfloti með nemendum frá Fellabæ og Reyðarfirði. Skólinn átti þátttakendur í þremur af fjórum strengjasveitum á mótinu, þeirri rauðu, grænu og bláu. Mótinu lauk á sunnudeginum með glæsilegum tónleikum í menningarhúsinu Hofi, þar sem nemendur syndu afrakstur vinnu sinnar. Er það mál manna að mótið hafi tekist með eindæmum vel og nemendur komið heim reynslunni ríkari eftir afar annasama en skemmtilega helgi. Við þökkum foreldrafélagi Tónlistarskólans á Akureyri kærlega fyrir gestrisnina og frábært mót og foreldrum nemenda okkar fyrir að sjá um fararstjórn og aðstoð í ferðinni.