Strengjamót á Akureyri

Helgina 6.-8. október fór fram strengjamót á Akureyri. Á strengjamóti koma nemendur sem eru að læra á strengjahljóðfæri um allt land saman og fá tækifæri til að spila saman í strengjasveit. Mótinu lauk svo með glæsilegum stórtónleikum í menningarhúsinu Hofi. Tónlistarskólinn á Egilsstöðum átti þrjá nemendur á mótinu og var mjög mikil ánægja hjá þeim með mótið. Magnús Heimir, einn nemendanna sem fór, sagði t.d. að það hafi verið mjög skemmtilegt að vera á æfingunum, gaman að spila á tónleikunum og að það hafi verið gott að fá pizzu og kynnast nýjum krökkum. Við þökkum Akureyringunum innilega fyrir frábært mót!