Strengjatónleikar

Strengjanemendur Tónlistarskólans á Egilsstöðum og Tónlistarskólans í Fellabæ léku listir sínar á glæsilegum tónleikum í Egilsstaðakirkju þann 13. mars. Tónleikarnir voru haldnir að frumkvæði Suncönu Slamnig, sem kennir á selló við Tónlistarskólann í Fellabæ. Nemendur spiluðu á fiðlu, víólu og selló, bæði einleik og í samspili og stóðu sig með mikilli prýði og voru til sóma. Ekki spillti fyrir að Charles Ross kynnti fyrir áheyrendum uppruna og þróun strengjahljóðfæra frá fornöld og fram á okkar daga og sýndi fjölbreytt og framandi hljóðfæri. Í lok tónleika mátti heyra strengjasveit spila, sem samsett var af nemendum, kennurum og öðrum strengjaleikurum af svæðinu.