Strengjatónleikar

Tónlistarskólinn hélt stórskemmtilega strengjatónleika í Egilsstaðakirkju þriðjudaginn 26. maí kl. 17:00. Á tónleikunum komu fram nemendur á fiðlu, víólu og selló sem eru að læra hjá Mairi, Bríeti og Hrafni Heiðari auk slagverksnemenda frá Wes, sem spiluðu með strengjanemendunum, og voru nemendur úr Tónlistarskólanum í Fellabæ einnig á tónleikunum. Nemendur voru á ýmsum aldri og ýmsum námsstigum og efnisskráin var fjölbreytt og skemmtileg. Mátti heyra allt frá stóru strengjasamspili yfir í kammertónlist og einleiksverk og nemendurnir stóðu sig allir frábærlega. Við óskum strengjakennurunum og nemendunum innilega til hamingju með þennan glæsilega viðburð, sem jafnframt voru síðustu tónleikar starfsársins í skólanum.