Stuðstrætó

Það var heldur betur fjör í Stuðstrætó á Ormsteiti föstudaginn 23. september. Það kvöld mátti fá far frá Tehúsinu og yfir í Fellabæ og Vök og aftur til baka og njóta þess að hlusta á Lúðrasveit Fljótsdalshéraðs í strætó. Lúðrasveitin lék þekkt íslensk dægurlög fyrir farþega, sem voru fjölmargir. Tónlistarskólinn er stoltur stuðnings- og samstarfsaðili Lúðrasveitar Fljótsdalshéraðs, sem samanstendur af nemendum og kennurum skólans auk fleiri hljóðfæraleikara utan úr bæ. Lúðrasveitin æfir kl. 20:00 á mánudagskvöldum og er alltaf að leita að nýjum meðlimum, þannig að ef þið eða einhver sem þið þekkið spilið á blásturshljóðfæri, verið endilega í sambandi!