Stuðstrætó

Ormsteiti fór fram dagana 12.-14. september 2025 og að vanda spilaði Lúðrasveit Fljótsdalshéraðs í Stuðstrætó. Stuðstrætó keyrði milli Egilsstaða og Fellabæjar frá 18:15-19:15 föstudagskvöldið 12. september og lúðrasveitin lék íslensk dægurlög í vagninum. Margir nýttu sér þennan skemmtilega ferðamáta og sumir sátu nokkuð lengi og hlustuðu! Tónlistarskólinn er stoltur samstarfs- og stuðningsaðili lúðrasveitarinnar. Sveitin æfir á mánudagskvöldum kl. 20:00 í tónmenntastofu skólans og er alltaf að leita að nýjum meðlimum. Ef þið, eða einhver sem þið þekkið, spilið á blásturshljóðfæri eða slagverk er um að gera að slást í hópinn! Hægt er að hafa samband við Sóleyju stjórnanda hér: soley.thrastardottir@mulathing.is.