Suðrið heillar

Síðustu tónleikarnir í tónleikaröðinni Ljóðahátíð, sem sviðslistahópurinn Austuróp stóð fyrir, fóru fram í Egilsstaðakirkju sunnudagskvöldið 26. mars. Tónleikarnir báru hið skemmtilega heiti „Suðrið heillar“ og á þeim mátti heyra fjölbreytta söngtónlist frá Frakklandi, Þýskalandi, Ítalíu og Spáni. Á tónleikunum komu fram kennarar og lengra komnir nemendur við Tónlistarskólana á Egilsstöðum og í Fellabæ. Óhætt er að segja að frábær stemmning hafi skapast á tónleikunum og ekki spillti fyrir þegar Hlín Pétursdóttir Behrens og Margrét Lára Þórarinsdóttir sungu Blómadúettinn eftir Delibes í lok tónleikanna. Við óskum Austuróp innilega til hamingju með glæsilega tónleika og hlökkum til áframhaldandi blómlegs samstarfs við hópinn!