Sugar and Spice á Nótunni

Það var mikið um dýrðir í tónlistarhúsinu Hörpu helgina 18.-19. mars, en þá fór Nótan, uppskeruhátíð tónlistarskólanna, fram með glæsibrag. Nemendur alls staðar að af landinu komu þar saman og fluttu tónlist af mikilli snilld. Framlag Tónlistarskólans á Egilsstöðum var hljómsveitin Sugar and Spice, en í henni voru Fróði Hlynsson, Bjarki Jónsson, Hinrik Nói Guðmundsson, Jóhann Smári Kjartansson, Steinar Aðalsteinsson og Aron Daði Einarsson ásamt Möggu Láru á bassa. Óhætt er að segja að hljómsveitin hafi skilað sínu á Eldborgarsviðinu og vakti hún verðskuldaða athygli. Sjá mátti brot úr atriðinu og viðtal við söngvarann, Fróða, í fréttatíma RÚV 19. mars. 

Hér má sjá fréttina um Nótuna á RÚV.