Sunna Gunnlaugs og Marína Ósk

Jazztónlistarkonurnar Sunna Gunnlaugs, píanóleikari, og Marína Ósk, söngkona, komu til okkar föstudaginn 6. september og héldu frábær spunanámskeið fyrir bæði nemendur og kennara. Þær eru báðar afar vel þekktar á jazzsenunni og reynslumiklir tónlistarflytjendur og lagasmiðir og því gríðarlega mikið sem við gátum lært af þeim. Nemendurnir fengu að vinna sinn spuna út frá þekktu popplagi og gekk það alveg frábærlega hjá þeim. Það er mikill fengur fyrir skólann að fá svona reynt og glæsilegt tónlistarfólk í heimsókn til þess að víkka sjóndeildarhringinn okkar og sýna okkur nýja og skemmtilega hluti. Við þökkum Sunnu og Marínu Ósk innilega fyrir komuna!