Svæðistónleikar Nótunnar

Ljósmynd: Þórhallur Pálsson

Svæðistónleikar Nótunnar, sem er uppskeruhátíð tónlistarskólanna, fóru fram með pompi og prakt í Tónlistarmiðstöð Austurlands á Eskifirði laugardaginn 13. apríl. Tónlistarskólinn á Egilsstöðum sendi að þessu sinni tvo nemendur á þá tónleika, þær Auði Jónsdóttur og Mariu Önnu Szczelina. Nemendur stóðu sig allir með mikilli prýði og tónleikarnir voru hinir glæsilegustu. Það er alveg frábært fyrir nemendur okkar að fá að taka þátt í sameiginlegum verkefnum margra tónlistarskóla, en þeir fá þá tækifæri til að vera fulltrúar síns skóla og heyra auk þess hvað nemendur annarra skóla eru að gera. Við óskum nemendunum til hamingju og þökkum skipuleggjendum kærlega fyrir!