Svæðistónleikar Nótunnar 2022

Fulltrúar skólans auk kennara

Svæðistónleikar Nótunnar fyrir Austurland fóru fram laugardaginn 19. mars í Tónlistarsmiðstöðinni á Eskifirði. Þetta voru glæsilegir tónleikar þar sem heyra mátti tónlistaratriði frá tónlistarskólum víða af Austurlandi, allt frá Vopnafirði að Höfn í Hornafirði. Fjölbreytnin var í fyrirrúmi og gaman að sjá flott atriði frá öllum skólunum. Tónlistarskólinn á Egilsstöðum átti fjögur atriði á tónleikunum, þar af tvö frumsamin atriði, og allir nemendurnir sýndu glæsilega frammistöðu og voru skólanum okkar til mikils sóma. Þetta árið verður ekki haldin lokahátíð Nótunnar í Hörpu vegna heimsfaraldurs þannig að þetta var lokaviðburður Nótunnar í ár og fengu allir nemendur viðurkenningu að tónleikunum loknum.