Tendrun jólaljósa

Það var hátíðleg stund kl. 16:00 sunnudaginn 3. desember, þegar ljósin á jólatrénu við Nettó voru tendruð. Lúðrasveit Fljótsdalshéraðs tók þátt í að búa til skemmtilega jólastemningu þar, en hún spilaði jólalög fyrir gesti og gangandi. Tónlistarskólinn er samstarfs- og stuðningsaðili lúðrasveitarinnar, en í henni eru kennarar og nemendur skólans ásamt ýmsum öðrum hljóðfæraleikurum úr bæjarfélaginu. Þess má geta að lúðasveitin er alltaf að leita að nýjum meðlimum og er um að gera fyrir áhugasama að hafa samband við Sóleyju skólastjóra, eða mæta bara á æfingu kl. 20:00 á mánudagskvöldi í tónmenntastofunni. Við lofum að taka vel á móti öllum!