The Greatest Showman

Elsta stig Egilsstaðaskóla hélt árshátíð sína fimmtudagskvöldið 13. nóvember með pompi og prakt. Nemendur settu upp sýninguna The Greatest Showman með tilkomumiklum hætti. Berglind Halldórsdóttir var tónlistarstjóri sýningarinnar og aðstoðaði nemendur við söng auk þess að Margrét Lára söngkennari tók þátt í þeirri vinnu í upphafi. Af ýmsum ástæðum var ekki hljómsveit í sýningunni núna, en það tengdist bæði eðli tónlistarinnar og aðstæðum sem eru í skólanum núna, en það gaf frábært tækifæri til þess að nýta nýja tækni sem við höfum verið að tileinka okkur til að vinna með stafrænt undirspil fyrir nemendur. Til hamingju Egilsstaðaskóli og takk fyrir!