Þjóðlagafiðluleikur

Charles Ross, sem kennir meðal annars á strengjahljóðfæri við Tónlistarskólann, er afskaplega duglegur að láta nemendur spila saman hina fjölbreyttustu tónlist við ýmis tækifæri. Charles er mikill áhugamaður um heims- og þjóðlagatónlist og í vor var hann með skemmtilegan hóp lengra kominna fiðlunemenda sem spilaði þjóðlög frá Balkanskaga og frá Svíþjóð. Hópurinn kom fram á tónleikum Tónlistarskólans og á skólaslitum hans. Hann kom einnig fram á ýmsum öðrum viðburðum í samfélaginu, meðal annars á frábærum tónleikum hins óviðjafnanlega Króatíska kórs og á vorþingi Íslandsdeildar Delta Kappa Gamma, alþjóðasamtaka kvenna í fræðslustörfum, sem haldið var í Egilsstaðaskóla þann 5. maí.