Þrettándagleði Hattar

Þrettándagleði Hattar fór fram laugardaginn 6. janúar í Tjarnargarðinum. Lúðrasveit Fljótsdalshéraðs lék þar nokkur jóla- og áramótalög á undan afhendingu viðurkenninga og flugeldasýningu. Þetta var æsispennandi spilamennska hjá okkur, enda nokkuð kalt. Sérstaklega var spennandi þegar túban fraus, og túbuleikarinn þurfti að beita hetjulegum brögðum til þess að koma hljóðfærinu aftur í gagnið. Það tókst, sem betur fer! Tónlistarskólinn er stoltur samstarfs- og stuðningsaðili Lúðrasveitarinnar, en í henni eru kennarar og nemendur skólans ásamt ýmsum hljóðfæraleikurum sem búsettir eru á svæðinu. Við þökkum Hetti kærlega fyrir að bjóða sveitinni að vera með og óskum þeim til hamingju með flottan viðburð!